緣聚鮮鍋 (已結業)

天氣涼涼地，又係時候打邊爐啦，二人限聚令都要食嘢㗎！之前行過大鴻輝見到有人派傳單”緣聚鮮鍋’‘好似幾得咁喎，於是上嚟open rice 睇吓食評發現確實唔錯！上到去立即揀湯底都有成八款湯底任揀，加錢仲可以變成鴛鴦鍋添，由於朋友唔食辣野所以揀咗番茄湯，蕃茄味濃郁一放低湯底就拎咗一碟好靚嘅牛肉俾我哋，入口即溶又唔會太肥，正到不得了除咗可以手機Apps落單之外，出邊仲有好多不同款式任君選擇沙律吧啲蔬菜種類繁多，生菜蟹柳絲粟米蕃茄仔都係我至愛！加少少日式芝麻沙律醬，十分之開胃日式刺身，壽司🍣，最鍾意佢全部細細件，食材又夠新鮮,唔覺唔覺又食多咗，但係唔得我都未開始打邊爐，要hold住呀老友！前菜款式都勁多，樣樣試D真係欲罷不能！餐前小食熟食區都有好多選擇， 我重食咗成碗豬腳薑醋甜品都有好多款式自助飲品區又食到攬住個肚離開，放題來講都算勁多嘢食，咁嘅價錢超級抵食，要去海濱公園行吓散步消化一下