影片
更多
2021-12-08
191 瀏覽
原來對上一次食火鍋撚已經係兩年前，仲要咁多年來都係只食旺角呢間分店。🔸湯底：祖傳秘制麻辣鍋+蜂巢豆腐白湯鍋可能有人會覺得佢o地個湯底比較重口少少，但我同朋友都係重口人士，所以相對地覺得個湯底好正，夠晒濃味。祖傳秘制麻辣鍋偏台式既麻辣鍋，比較溫和既辣味，就算唔太食得辣叫小辣應該都可以接受。湯底已經有鴨血、蜂巢豆腐等，鴨血好滑，豆腐都可吸湯汁。蜂巢豆腐白湯鍋有一大條人參，湯頭濃郁但藥材味唔會好勁難以入口，加上有少少胡椒味非常暖胃，同樣配有鴨血蜂巢豆腐。火鍋配料有全份/半份選擇，人數少都一樣可以試多幾款，個人幾鍾意店家可以有半份火鍋料呢個選擇，因為有時得兩個人食，貪心少少想試多幾款。其他火鍋配料都唔錯，食材都幾新鮮，其中有幾款印象特別深刻。🔸手切肥牛(小) $238睇落無咩油花，但食落出奇地又幾嫩同有牛味。🔸牛脷托 $89幾有驚喜，因為呢個價格唔算好貴，但牛脷係爽脆果種，灼幾秒就食得。🔸順德魚腐 $39好抵食！！ $39一大碟，而且係即叫即炸，所以可以即時食唔洗再煮。放入湯底吸收湯汁再食一樣好味。🔸鮮蝦雲吞 $39 +水餃皇 $41足料大隻， 鮮蝦雲吞蝦肉亦好爽彈。🔸其他火鍋配料🔸腐竹雞蛋沙
🔸湯底：祖傳秘制麻辣鍋+蜂巢豆腐白湯鍋
可能有人會覺得佢o地個湯底比較重口少少，但我同朋友都係重口人士，所以相對地覺得個湯底好正，夠晒濃味。
祖傳秘制麻辣鍋偏台式既麻辣鍋，比較溫和既辣味，就算唔太食得辣叫小辣應該都可以接受。湯底已經有鴨血、蜂巢豆腐等，鴨血好滑，豆腐都可吸湯汁。
蜂巢豆腐白湯鍋有一大條人參，湯頭濃郁但藥材味唔會好勁難以入口，加上有少少胡椒味非常暖胃，同樣配有鴨血蜂巢豆腐。
火鍋配料有全份/半份選擇，人數少都一樣可以試多幾款，個人幾鍾意店家可以有半份火鍋料呢個選擇，因為有時得兩個人食，貪心少少想試多幾款。其他火鍋配料都唔錯，食材都幾新鮮，其中有幾款印象特別深刻。
🔸手切肥牛(小) $238
睇落無咩油花，但食落出奇地又幾嫩同有牛味。
🔸牛脷托 $89
幾有驚喜，因為呢個價格唔算好貴，但牛脷係爽脆果種，灼幾秒就食得。
🔸順德魚腐 $39
好抵食！！ $39一大碟，而且係即叫即炸，所以可以即時食唔洗再煮。放入湯底吸收湯汁再食一樣好味。
🔸鮮蝦雲吞 $39 +水餃皇 $41
足料大隻， 鮮蝦雲吞蝦肉亦好爽彈。
🔸其他火鍋配料
🔸腐竹雞蛋沙冰
最後店員會送上用仿古代酒具裝住既腐竹雞蛋沙冰，飲落好明顯既腐竹雞蛋味，甜度剛好，係最後飲番杯成個人即時好有清爽感。每次來我最期待之一就係呢杯腐竹雞蛋沙冰，雖然佢都有一杯/一渣叫，但我堅信少飲多滋味，所以堅持唔叫要飲佢最後送呢杯
整體食物唔錯，湯底咁多年都keep得到，值得一讚。
張貼
