影片
更多
2019-06-10
478 瀏覽
好耐好耐冇食填鴨喇! 端午節晚上終於有人陪我食喇！去親街都食西餐日本野，今次一於還原基本步，食下中式野先...哈哈哈今晚兩個人叫咗4個餸，好夠飽！京城芙蓉賽螃蟹 $118大大碟，滑劣劣，有水嫩嘅蛋白香。如果可以好似細個食嗰款賽螃蟹咁，放隻生蛋黃撈埋就更加美味！可惜而家再搵唔返一間餐廳會咁樣做喇，因為大家都要保障返自己餐廳嘅食物衛生安全。四川擔擔麵 $50足料嘅一碗擔擔麵，無論係花生，肉碎抑或係佢個芝麻香都好夠，食完個麵仲會忍唔住想飲晒啲湯tim! 順帶一提，店員好貼心咁主動問我地洗唔洗另上辣汁，因為都會幾辣。雖然依稀之前食過嘅經驗，記得嗰種辣係承受到嘅，但係都欣然接受店員嘅好意，畢竟辣汁另上嘅話，我地可以自由調較自己想食嘅辣/濃/油度吖嘛😌淮揚灌湯小籠包（6隻） $48值得一讚嘅係個小籠包，皮薄又多汁，其實一啲都唔會差過鼎泰豐，熱辣辣將成粒小籠包放入口，係口度爆汁個下真係好幸福! 烤北京填鴨 (半隻) $160重點黎喇! 隻鴨滿滿油花加上薄薄嘅皮，係時候為自己DIY 個餡餅食喇！一塊皮加上兩塊鴨，三種配料再加埋佢特製嘅醬汁，滿滿餡料先至係大滿足🤤食過好幾間唔同嘅北京樓，我覺得元朗嘅北京
端午節晚上終於有人陪我食喇！
去親街都食西餐日本野，今次一於還原基本步，食下中式野先...哈哈哈
今晚兩個人叫咗4個餸，好夠飽！
京城芙蓉賽螃蟹 $118
大大碟，滑劣劣，有水嫩嘅蛋白香。
如果可以好似細個食嗰款賽螃蟹咁，放隻生蛋黃撈埋就更加美味！可惜而家再搵唔返一間餐廳會咁樣做喇，因為大家都要保障返自己餐廳嘅食物衛生安全。
四川擔擔麵 $50
足料嘅一碗擔擔麵，無論係花生，肉碎抑或係佢個芝麻香都好夠，食完個麵仲會忍唔住想飲晒啲湯tim!
順帶一提，店員好貼心咁主動問我地洗唔洗另上辣汁，因為都會幾辣。雖然依稀之前食過嘅經驗，記得嗰種辣係承受到嘅，但係都欣然接受店員嘅好意，畢竟辣汁另上嘅話，我地可以自由調較自己想食嘅辣/濃/油度吖嘛😌
淮揚灌湯小籠包（6隻） $48
值得一讚嘅係個小籠包，皮薄又多汁，其實一啲都唔會差過鼎泰豐，熱辣辣將成粒小籠包放入口，係口度爆汁個下真係好幸福!
烤北京填鴨 (半隻) $160
重點黎喇! 隻鴨滿滿油花加上薄薄嘅皮，係時候為自己DIY 個餡餅食喇！
一塊皮加上兩塊鴨，三種配料再加埋佢特製嘅醬汁，滿滿餡料先至係大滿足🤤
食過好幾間唔同嘅北京樓，我覺得元朗嘅北京樓係做得最出色，尤其係填鴨個皮！唔似一般嘅皮咁擺得耐會乾，一路keep住夠水份，好似面膜咁哈哈；亦都唔係好似平時啲皮咁要放好多麵粉喺上面等佢唔好痴埋一齊，反而廚房會攝一張一張嘅點心蒸爐紙喺每一塊皮嘅中間，方便食客去攞啲皮，欣賞👍🏿
P.S. 今次點咗玫瑰荔枝茶，好香，唔洗加錢架😆
張貼
