南小館 (ELEMENTS圓方) (已結業)

圓方新店登場，剛開幕時一直見要輪侯，到今日見到唔係太多人，急不及待去食個lunch 。入到內堂比從外望內去寬敞好多，座位亦夠舒適。一坐低侍應就送上茶同開胃菜-花生拼麻味十足嘅麻辣豆腐干。南小館四小拼-可自選四小食烤麩唔錯，正正常常，馬蘭豆乾真係有啲乾，口水雞同花雕雞認真地唔係好食到咩味，因為都係胸是骨位，厚皮，無肉咁嚌。牛肉麵好多牛肉，味道都幾好又夠林。 敗筆在於麵質，似係新鮮麵伴隨住以防啲麵癡住嘅粉一齊煮完無過冷河嗰種口感。 擔擔麵麵質都係一樣，再加上好淡又好杰嘅湯，吃着難受，食左兩啖就收咗口上海粗炒一碟得五六條菜仔，炒到乾得可憐。整餐最令我覺得最失望嘅非小籠包同咕嚕肉莫屬。其實唔係關煮嗰個人事，因為小籠包其實皮薄多汁，咕嚕肉亦香脆，但係，連咕嚕肉呢道咁濃味嘅菜式都唔可以遮蓋到豬嗰種唔新鮮嘅雪藏味.....小籠包基本上係咬多一口都唔想。飲品選擇都幾多，叫左無咩味嘅燒仙草同埋ok嘅Oreo 沙冰。 還不及要收茶芥送上的第一杯清茶好飲😞食材如此，相信我絕對無下次。