波羅密素食 (已結業)

見佢又有火煱，又有半自助餐，又可以散叫咁多元化，當然要試吓。入到去選擇半自助餐。前菜，湯，甜品可任食，主菜就從二十款選擇，每人一款。我哋兩個人叫咗乾炒牛河同椒鹽茶樹菇。乾炒牛河冇味，椒鹽茶樹菇就一般都係冇乜味。所有前菜包括春卷，炸蕃薯及其他(不論熱食或凍食)都係凍嘅，好似放咗好耐咁。心諗點解熱食唔熱住佢。湯料出唔到味，所以湯都係冇乜味。甜品有蕃薯糖水，椰汁榚都係一般。到埋單時想簽咭，點知個姐姐話唔得。佢話原因係半自助餐收得平，如果食火煱或散叫就得。心諗，有冇攪錯，佢個半自助餐冇乜嘢好食，收$138加一，兩個人都$304。唔係話好貴，係唔抵。而且有乜理由唔畀簽咭，真係火都嚟。出到門口個老闆娘仲好意思問我啲嘢點。我答都費事，冇下次。