Oliver's Super Sandwiches (已結業)

想食焗薯嘅時候，我一定會去 Super Sandwiches。今晚，就去咗沙田新城市廣場到食。款式口味超多選擇，除咗焗薯之外，其實仲有意粉可以食。我哋今晚兩個人，分別食咗鹹牛肉焗薯套餐，同埋挪威煙三文魚、蜆肉扁意粉配刁草忌廉汁套餐。先講意粉，單聽個名已經知道鮮味十足，而且三文魚同蜆肉份量都唔少，醬汁亦夠多，唔會食到尾嘅時候，咩汁都冇晒，配埋個相當鬆化嘅酥皮忌廉湯，餐後，當然要飲番杯熱檸茶啦，真係夠晒飽。鹹牛肉焗薯，最完美嘅組合，焗薯軟硬啱啱好，牛肉唔會過鹹，灑滿煙肉碎同蔥花，再加埋新鮮嘅Caesar salad ，就係最好味嘅食法。Super Sandwiches ，雖然係快餐模式，但都有專員幫你送餐，食物好味兼抵食之外，服務仲相當周到。