珍煮丹 (已結業)

第一次飲珍煮丹係早喺黑糖珍珠鮮奶熱潮未嚟到香港前，去台北旅行時台灣朋友介紹我飲嘅，以前淨係識飲珍珠奶茶，第一次飲黑糖鮮奶覺得好好味，印象非常深刻。因為掛念台灣嘅味道，就幫襯咗香港呢間分店，揀咗飲品推薦排行第一嘅黑糖珍珠厚鮮奶。黑糖珍珠好煙韌入味，佔咗差唔多三分一杯。面頭有類似奶霜咁嘅厚鮮奶，店員提醒要搖勻先飲。黑糖厚鮮奶夾埋之後飲落好順滑濃厚又唔會死甜，揀半糖少冰就啱晒～比較過幾間喺香港出名啲嘅黑糖珍珠鮮奶台飲店，始終都係覺得珍煮丹嘅最好味！