京林屋 (已結業)

之前在鰂魚涌返工的時候，間唔中會同同事去京林屋食午餐，食完午餐例牌都會點一個甜品兩份食，而我至愛就是焙茶系列。今晚約了朋友去圓方睇戲，知道有間分店，所以睇完順便過去食甜品。可能比較夜，有幾款食物都售罄，如三文治及抹茶卷蛋等，所以唯有叫幾個甜品一齊食。焙茶芝士蛋糕焙茶雪糕幼滑充滿茶香，茶香味感覺更清新，旁邊有一些紅豆蜜及白玉，白玉煙韌彈牙，配以紅豆蜜的甜香味道，甜度適中，芝士蛋糕餅底很薄且夠結實，不易鬆散，而芝士及茶香互相輝映，茶香能減輕芝士的飽滯感。抹茶卷蛋卷蛋切得厚身，蛋糕鬆化，中間有些焙茶忌廉，簡單好味。特製林屋抹茶餡蜜底下全部都是紅豆蜜，加上白玉、蕨餅等配料，最後加了球抹茶雪糕，抹茶茶香比焙茶淡，個人覺得焙茶味更好味。最後外帶了一份秘製抹茶蕨餅&抹茶紅豆白玉特飲老公做甜品。