十八座狗仔粉

營業中

休息中

狗仔粉喺香港嘅傳統美食，而家已經唔係好多地方有，暫時覺得最好食嘅都係十八座狗仔粉。佢哋嘅湯底真係熬製出嚟，少許鮮甜，而且配料好多，佢哋嘅菜脯係必食，有辣有唔辣，本身狗仔粉店家已經預先放咗唔辣嘅菜脯，同埋好多蔥，唔食辣嘅朋友記得提早講要走青，另外佢哋有自家製嘅辣菜脯，用咗好多種唔同種類嘅辣椒🌶️製成，辣度非常高，食得辣嘅朋友會好鍾意。另外佢哋嘅狗仔粉食落去亦唔會過林，咬落去有少少咬勁。我另外佢哋嘅魚蛋亦不錯，用咗陳皮魚蛋，加埋佢哋嘅秘製咖喱汁，由於陳皮魚蛋比較細粒，所以好容易入味。