Outback Steakhouse (翡翠明珠廣場) (已結業)

有朋友生日，佢地book左銅囉灣outback，之前我只係去過尖東分店，食過唔錯，今次就試下會唔會有分別。睇完餐牌竟然所有人都揀左排餐。首先就一定要食招牌黑糖包，成間餐廳菜式我其實最中意個黑糖包，有人話我奇怪但真係美味，包身軟軟地，又夠新鮮夠熱，啖啖既甜味配忌廉芝士，非常唔錯。安格斯牛排烤半熟，肉汁很多， 醬汁味道唔太濃但會令牛肉味道更出，但牛筋太多切割較難，食落亦有點韌。薯蓉方面無乜特別，而焗甜薯甜味唔係好多，但很香薯味。西冷牛排烤半熟，排身切得非常厚，有安格斯牛排一倍，但肉汁唔算多，肉質亦都較韌，咬起上來很累，要切細塊更好。而配菜係菜絲沙律同特色雞味飯，沙律酸味重，帶有少少甜味，非常開胃，而鷄味飯就不太有雞味，可能岩岩食完牛排，味道蓋過左。豬肋骨我個人認為比牛好味，肉質柔軟，表面少少烤焦，味道很香，加上特製燒烤汁，少少甜味更架出色，整體亦唔會好乾，但作為配菜的粗薯條就唔夠脆。