鮨森日本料理 (已結業)

與靚女C成日搵壽司店，上次我撇甩佢自己單挑嚟咗“鮨森”佢勁唔開心，今次特登訂位同佢嚟過。 要咗廚師精選9件壽司。前菜沙律新鮮正常。茶碗蒸材料豐富夠滑身有蛋香，但個人不喜表面有芡汁的煮法。 由於我哋唔係坐吧枱，9件壽司一次過上哂，相比第一次自己一個嚟雖然坐吧枱，唔知係咪有美作伴嘅關係，今次啲魚肥啲好味啲。而赤醋飯帶酸亦有助提鮮。三文魚子外皮脆魚鮮味溢出、海膽鮮甜肥美、帶子爽甜、甜蝦鮮美、花魚味清甜，肉質鮮嫩富油質，配埋芽葱帶來一抹清新、拖羅滿載油脂甘香入口即溶。 喜歡店家的生薑漬物是原個嫩薑醃製。 玉子外表烤得金黃，內裡軟綿線帶濕潤，富有蛋香。其餘麵豉湯、咖啡均不錯。