明洞Express (已結業)

午飯時間都算幾休閑唔太多人食，入到去坐可以自助斟水俾自己，買嘢食都係自己排隊的，價錢都算很合理。以前來明洞最鍾意食豆腐鍋，試過好多間貴過佢的韓國餐廳都唔夠佢煮得好食。久別再度光顧，水準依然。個鍋望落去好像唔太大但係其實一個人食都好夠飽，再加上佢附送的白飯簡直食唔晒。個鍋落咗好多豆腐，啲豆腐好滑，又有幾個硯令到本來辣辣地的豆腐湯更添一層鮮味！面頭的蔥唔單止做到裝飾效果，仲令又鮮又濃郁嘅湯加輕輕一點清新。仲試咗佢個牛骨脊肉，比我想像之中肥少少，不過肉質都好彈，好有牛味，加了一層洋蔥幾香，但個鐵板有好多油，如果唔係層洋蔥，啲油可以浸咗大半塊肉了。