牛霸王

營業中

休息中

今日又上咗成業一樓食日本牛丼飯。當然叫返佢哋主打嘅牛肉漢堡，有和牛或者　芝心安格斯。都係揀返和牛最正，最上層係一隻蘭王蛋黃，下面有啲白蘿蔔蓉點綴一下，之後可以揀就係配菜有芥末酸瓜 或 日本泡菜，唔鍾意食泡菜嘅我就揀咗芥末酸瓜就味道清新，酸酸甜甜，跟住下邊就係漢堡，我揀嘅和牛漢堡煎到啱啱好，肉質柔嫩，油香十足。醬汁我就揀咗三款之中其中一款嘅秘製漢堡汁，係酸中帶甜，食落冇咁油膩，味道香濃。將醬汁配菜同埋蛋黃蛋撈勻一齊食效果十分之好。另外點咗一款佢哋嘅小食甘栗紫薯餅，新鮮炸起外脆裏面甜甜地充滿着栗子同埋紫薯嘅味道。