陵發潮州白粥 (已結業)

之前男朋友喺太子返工，所以久不久我哋都會喺太子陵發打冷，次次去到都要等位，大排檔形式，最能體現香港味道，論食物出品，真係冇得頂，尤其是必定要食的蠔仔肉碎粥，每粒蠔仔都成個5蚊銀咁大粒，而且成碗都係，絕不吝嗇，食完蠔仔粥，通常都會食埋煎蠔餅，蠔餅煎得十分香脆，配合埋大大粒嘅蠔仔，真係冇得頂！其他款式選擇不算多，但係一般嘅打冷野例如韭菜朱紅、滷味、鹹酸菜等都做得出色，可說是我食過嘅潮州嘢之中最好食嘅！