影片
更多
2007-06-11
62 瀏覽
6月7日我地既三週年,見之前呢間食評都唔錯,好似好抵($198一位),就黎試下!入到去放低d野,隔離美和海鮮檔夫婦叫我地出去揀,我地問佢係唔係有$198一位既餐,佢話已經冇左了,係唔係真架?咁算啦!叫佢揀2隻細d既瀨尿蝦,唔係驚佢貴,而係次次食親大大隻既都唔入味,所謂細d既都有手臂咁長。佢叫我地試下象拔蚌仔,蒜蓉蒸,$10隻,就要左2隻!!!!龍蝦,得本地花龍揀,$180斤,老揀左果隻$220,我話好似唔夠大隻,海鮮檔老闆話我眼闊肚窄,兩個人夠食喇,哈哈。佢話送白灼海蝦同個湯比我地。返入去,見到隔離枱食魚,好想食,再出去揀,佢揀左條紅色石斑比我地,$160,我見有另一條個樣好似靚d,問佢果條魚咩名堂,佢話叫鬚魚斑,呢條貴d,好食d既,仲大條過紅色果條,佢話$160比我地,當然"lu"飯應啦!入返去同部長哥哥講我地想點煮:白灼海蝦- 唔點豉油,真係腥到入唔到口,點左豉油,好好多;蒜蓉蒸象拔蚌- 同Olivian意見完全一樣,可以copy & paste佢果段"象拔蚌好新鮮，就算有蒜茸，仍然不能蓋過象拔蚌的鮮味。";掓鹽瀨尿蝦- 唔夠掓鹽,隻蝦好鮮味,肉質炒得0岩0岩好,唔會太"林",又唔
入到去放低d野,隔離美和海鮮檔夫婦叫我地出去揀,我地問佢係唔係有$198一位既餐,佢話已經冇左了,係唔係真架?咁算啦!叫佢揀2隻細d既瀨尿蝦,唔係驚佢貴,而係次次食親大大隻既都唔入味,所謂細d既都有手臂咁長。佢叫我地試下象拔蚌仔,蒜蓉蒸,$10隻,就要左2隻!!!!龍蝦,得本地花龍揀,$180斤,老揀左果隻$220,我話好似唔夠大隻,海鮮檔老闆話我眼闊肚窄,兩個人夠食喇,哈哈。佢話送白灼海蝦同個湯比我地。返入去,見到隔離枱食魚,好想食,再出去揀,佢揀左條紅色石斑比我地,$160,我見有另一條個樣好似靚d,問佢果條魚咩名堂,佢話叫鬚魚斑,呢條貴d,好食d既,仲大條過紅色果條,佢話$160比我地,當然"lu"飯應啦!入返去同部長哥哥講我地想點煮:
白灼海蝦- 唔點豉油,真係腥到入唔到口,點左豉油,好好多;
蒜蓉蒸象拔蚌- 同Olivian意見完全一樣,可以copy & paste佢果段"象拔蚌好新鮮，就算有蒜茸，仍然不能蓋過象拔蚌的鮮味。";
掓鹽瀨尿蝦- 唔夠掓鹽,隻蝦好鮮味,肉質炒得0岩0岩好,唔會太"林",又唔會太老;
清蒸石斑- 真係好食到講唔到野,爽,滑,甜,新鮮,除左本身條魚靚之外,蒸亦都蒸得非常之好,0岩0岩熟,真係好滑,好正呀~~~~~~~~~~係我地食過最好食又蒸得最好既魚;
芝士龍蝦伊麵底- 咦~唔見左D伊面既,部長哥哥話依家再加落去焗就唔好食,不如令灼過D伊面撈黎食,任加伊麵,仲諗住咁樣唔方好食啦,原來都OKEY喎,佢係真係焗,平時果D似炒多過焗,佢焗到有D濃濃地,又唔會焗到隻龍蝦乾晒,不過d芝士汁"漏"得滯,相比之下我會鍾意流浮山果碟既味多d,龍蝦我都係覺得流浮山既澳洲龍蝦鮮味d。結果老都係覺得隻龍蝦真係唔夠大隻;
送既湯- okey啦
海鮮夠靚,煮又煮得好好,服務態度亦都好好,不論係部長哥哥,或係海鮮檔兩夫婦老闆都好好人,佢地仲會走黎問我地d野好唔好食。有sea view,新裝修,有個小小露台可以出去,環境唔錯。
是次淨海鮮$545,加工$202,比想像中平好多。一定會再黎食~~~~
張貼