酒泉日本料理 (已結業)

好耐無去過元朗食壽司，今日適逢路經此地，一於去酒泉回憶下昔日之味道。17:55奪門而入，原來18:00前落單有特別優惠，壽司平左，仲有好多款精選既特價食品。最驚喜食左個特價既酥脆炸雞中翼，熱力十足，脆醬夠脆之餘，雞肉難得仲係滑同多汁極好味（$22）仲有4隻大大隻呀叫左個無特價既大蟹子沙律，超多蟹子同沙律醬，青瓜絲新鮮，蟹柳鮮甜（$45）叫左4串串燒，雞腎、雞軟骨、炭燒雞肉、一口豚肉串，除左豚肉串$11，其餘只賣$5。不過味道好一般，雞腎燒到乾晒，雞軟骨唔夠味，雞同豚還可以，但沒有雞翼的驚喜壽司叫左全部都係巨大壽司，感覺上比幾年前食既時候細舊左。甜蝦同熟帶子只係4蚊舊，一分錢一分貨，甜蝦雖則唔算甜，但還可以接受，熟帶子無任何味，4蚊只係買左舊飯海膽（$16）同龍蝦帶子沙律（$11）都新鮮同甜三文魚（$9）雖長但唔厚，無期望就無需失望，唔會特別有三文魚鮮味大赤蝦（$7）堅抵玻璃蝦（$7）唔算新鮮，好乾身下最唔好食蟹子柱貝（$7）d柱貝乾身無汁之餘仲有少少唔新鮮既苦味久別重逢，覺得壽司類食物比以前跌唔少watt, 不過價錢真係堅抵