九龍餐室

營業中

休息中

香港搵食艱難，搵好野食更艱難，冇諗過我只係叫個普通茶餐廳一定食到嘅野，都可以食到我想即刻寫食評，而我所叫嘅野食就係星洲炒米。依維基百科所講，星洲炒米的「星洲」是指新加坡，但是卻起源於香港，分別有香港和馬來西亞（各有兩種不同的派別）。而港式星洲炒米的食材通常包括叉燒、蝦仁、芽菜、雞蛋、洋蔥和辣椒絲，並會加入咖喱粉或咖喱醬，令炒米粉變成金黃色，並充滿香辣的味道。圖中所見，當個星洲粉米黎到我面前，我呆左三秒，點解可以咁黃金色嘅？我再翻一翻個米粉底，依然咁黃金色，原因好簡單，因為係一啲料都冇，百分之99.9係米粉，0.1係料，而啲料係兩少舊小叉燒，一個蝦仁，三條洋蔥，三絲火腿，表面仲有少量芝麻（真係別出心裁），咁就52蚊。講真，我唔想浪費食物，最後我食左三啖，咁整出黎，好難再食落去咯，完全係食緊齋咖哩粉炒米。我都食過九龍餐室其他分店，真係好食好多。可能有人會話，你唔即刻同侍應講咁煮出黎都得嘅，但係我想講正常煮一碟野食，都要我落單前講要一碟星洲炒米正常版？叫佢地換一碟，可能哩碟米粉就咁倒左，更加浪費食物。