影片
更多
2022-02-14
2847 瀏覽
‼️無打算食omakase的話奉勸揾過第二間有得訂座的日本餐廳‼️友人揾到呢間看似頗高質，價錢唔貴嘅日本餐廳，預早致電確定過只有omakase客先可以訂座，Lunch set顧客必須Walk in，「先到先得」形式冇得留枱留名留電話，但最終都係以serve omakase客為先。研究過omakase $880一位的菜單跟Lunch set相比真的極不化算，都係決定Walk in碰運氣。當日Walk in時問過店員大概半個鐘左右，我地山長水遠嚟到就是決心地等，好不容易店員安排到bar枱位置，餐牌、餐具、熱茶亦放置好桌上，隔離全是omakase客，我地一坐低不久bar枱師傅就怒氣匆匆衝，隱約聽到怒罵我地嘅位置40分鐘後要留俾訂座的omakase客，「係咪要訂咗枱嘅客係出面等？」要是冇枱或不做非omakase客可以請我們離開，或者跟我地講明幾點前必須離座，店內地方不大，相信在場的客都聽到這番難聽嘅説話😑😑😑 畢竟隔離枱早到咗都係門口等咗一段時間不知該位師傅係咪餐廳老闆，就算係老闆，咁樣呼喝自己員工，難怪整間餐廳氣氛死氣沉沉，沒有一人是有笑容。最後安排到另一張枱俾我地，見店員執緊枱便停低一陣篤下電
友人揾到呢間看似頗高質，價錢唔貴嘅日本餐廳，預早致電確定過只有omakase客先可以訂座，Lunch set顧客必須Walk in，「先到先得」形式冇得留枱留名留電話，但最終都係以serve omakase客為先。研究過omakase $880一位的菜單跟Lunch set相比真的極不化算，都係決定Walk in碰運氣。
當日Walk in時問過店員大概半個鐘左右，我地山長水遠嚟到就是決心地等，好不容易店員安排到bar枱位置，餐牌、餐具、熱茶亦放置好桌上，隔離全是omakase客，我地一坐低不久bar枱師傅就怒氣匆匆衝，隱約聽到怒罵我地嘅位置40分鐘後要留俾訂座的omakase客，「係咪要訂咗枱嘅客係出面等？」要是冇枱或不做非omakase客可以請我們離開，或者跟我地講明幾點前必須離座，店內地方不大，相信在場的客都聽到這番難聽嘅説話😑😑😑 畢竟隔離枱早到咗都係門口等咗一段時間
不知該位師傅係咪餐廳老闆，就算係老闆，咁樣呼喝自己員工，難怪整間餐廳氣氛死氣沉沉，沒有一人是有笑容。
最後安排到另一張枱俾我地，見店員執緊枱便停低一陣篤下電話等轉枱，大概1-2分鐘嘅事，就聽中間位司傅咳咳兩聲好像很不滿，抬頭一望就見到佢凶神惡煞望住我😨😨😨 一繼續食便擰轉面😥😥😥
雖然轉咗位可以坐多2粒鐘，又送上沙律一碟，諗起呢位師傅嘅態度，真係冇晒心情，難為同桌一心諗住請我餐好，最後由入餐廳起計約45分鐘埋單。
Openrice都有幾位非omakase客指餐廳的服務態度差，留下負皮，但無諗過會惡劣到咁嘅程度。
老實説，食物質素真係不錯，刺身油潤富光澤，由其同桌的拖羅口感柔軟細滑，有入口即溶感，我的自選丼飯帶子厚身，味道鮮甜，更喜歡鯛魚肉質綿滑黏口，外皮用火燒過，散發着淡淡的油脂香。
點餐後火速奉上前菜及味增湯，主菜亦好快整好，餐後亦有甜點，一小時用餐都足夠有突，根本不用擔心因為我掛住篤電話影響到尊貴的訂座客在門外等😥😥😥食物幾好都必定冇下次👎🏾👎🏾👎🏾
張貼
