鮨秀 (已結業)

餐廳服務有好大既進步空間🧐book左1:45pm，到左門口，店員見到都無招呼🤯之後執好枱比我地入去先，但係早一輪既食客岩岩埋單走，店員開始執其他食客既餐具同枱櫈，好嘈好嘈☹️以為自己去左茶餐廳😒師傅同店員又好大聲咁傾計...而環境衛生都好差🤯窗台鋪晒塵... 餐廳間隔既設計都唔方便搵店員...試左十貫壽司（$380）前菜有唔熱既蒸蛋😟只係暖暖地。沙律味道都無特別。壽司有真鯛、間白、帶子、深海池魚、甜蝦、吞拿魚、油廿魚、中拖羅、三文魚子同海膽。壽司感覺上都唔係好新鮮，第一件真鯛食落已經有沙😖得拖羅同三文魚子尚算ok，不過一定無下次了！仲有一個扣分位係見到師傅整比隔離枱熟客既海膽壽司份量係我地既double,成座山咁🙃但係作為新客既我都打算永不回頭，唔會變熟客。