影片
更多
2021-05-25
146 瀏覽
呢度午市都好抵吓，HK$60至80左右就有一個主食、一款小食同一杯凍飲，仲要唔加一。至於嘢食質素，每款都至少水準之上，回頭率100%！1. 紅燒牛肉麵店主話個湯係用新鮮騸牯牛骨熬煮20幾個鐘製成嘅（騸牯牛應該係脂肪分布好靚嘅牛，而且市場供應量有限），個湯好甜，但唔係人造糖嘅甜，係嚟自蔬果嘅甜，感覺應該加咗大量蔬果去熬煮；呢個湯底，令我哋諗起台南名店-阿裕牛肉火鍋嘅湯底，佢就係出名在用咗好多蔬果同牛骨一齊煲咗好多個鐘，所以湯頭有股討好嘅鮮甜味；呢度嘅湯頭仲有陣淡淡嘅藥材同滷水香，好有層次，結果我老公係清咗成碗湯！佢雖然收你78蚊仲要包咁多嘢，但個麵嘅牛肉係半筋半肉，而且入口即化，完全唔使用力咬，麵質亦好Q彈。 2. 寶島口水雞配魯肉飯我本來叫焢肉飯，點知店家話賣晒，因為額頭生咗大瘡唔想食鹽酥系列，最後叫咗口水雞。原本冇乜期望，尤其個雞嘅賣相唔多吸引，但估唔到食落好有雞味又冇雪味；冇乜肥膏啲肉又夠實淨，雞皮好香好爽；醬汁酸味偏重，辣味只係點綴，再加埋滿滿嘅花生碎，真係回味無窮。仲有一點好想Highlight，平時我係唔吼伴碟嘅菜，覺得好乏味，但佢個伴碟青瓜超好味，啲青瓜係醃過嘅，咸咸酸酸咁
1. 紅燒牛肉麵
店主話個湯係用新鮮騸牯牛骨熬煮20幾個鐘製成嘅（騸牯牛應該係脂肪分布好靚嘅牛，而且市場供應量有限），個湯好甜，但唔係人造糖嘅甜，係嚟自蔬果嘅甜，感覺應該加咗大量蔬果去熬煮；呢個湯底，令我哋諗起台南名店-阿裕牛肉火鍋嘅湯底，佢就係出名在用咗好多蔬果同牛骨一齊煲咗好多個鐘，所以湯頭有股討好嘅鮮甜味；呢度嘅湯頭仲有陣淡淡嘅藥材同滷水香，好有層次，結果我老公係清咗成碗湯！
佢雖然收你78蚊仲要包咁多嘢，但個麵嘅牛肉係半筋半肉，而且入口即化，完全唔使用力咬，麵質亦好Q彈。
2. 寶島口水雞配魯肉飯
我本來叫焢肉飯，點知店家話賣晒，因為額頭生咗大瘡唔想食鹽酥系列，最後叫咗口水雞。原本冇乜期望，尤其個雞嘅賣相唔多吸引，但估唔到食落好有雞味又冇雪味；冇乜肥膏啲肉又夠實淨，雞皮好香好爽；醬汁酸味偏重，辣味只係點綴，再加埋滿滿嘅花生碎，真係回味無窮。
仲有一點好想Highlight，平時我係唔吼伴碟嘅菜，覺得好乏味，但佢個伴碟青瓜超好味，啲青瓜係醃過嘅，咸咸酸酸咁好好食。
但個魯肉飯我就唔多OK，因為竟然好重蝦米味。其實店家落蝦米我覺得係用心嘅，但真心覺得蝦米同魯肉飯唔夾，所以唔OK。個飯最欣賞係佢冇用珍珠米，反而用港人至愛嘅金鳳，而且佢煮得好好，飯粒分明，證明店主對每樣細節都有要求。
3. 茉香綠茶
從來對跟餐嘢飲冇乜要求，仲要咁平。但佢好好飲，有淡淡嘅綠茶香同甜味，飲落個人Gur晒又Fresh，好飲過好多連鎖店台灣茶，Amazing！
紅燒牛肉麵
33 瀏覽
0 讚好
0 留言
8 瀏覽
0 讚好
0 留言
2 瀏覽
0 讚好
0 留言
7 瀏覽
0 讚好
0 留言
麻辣鴨血
27 瀏覽
0 讚好
0 留言
麻辣雜菇
0 瀏覽
0 讚好
0 留言
魯肉飯
6 瀏覽
0 讚好
0 留言
寶島口水雞
4 瀏覽
0 讚好
0 留言
茉香綠茶
8 瀏覽
0 讚好
0 留言
張貼
