珍煮丹 (已結業)

📍 珍煮丹➖➖同C先生係銅鑼灣睇完戲，黎到銅鑼灣既台式飲品一條街--利園山道飲下肥仔水先。天氣太熱搞到好想飲黑糖既甜野，緊係揀珍煮丹，話曬係台灣最紅既黑糖飲品店，小編都飲過好多次了➖➖朱古力珍珠鮮奶之前黎親都係飲黑糖珍珠鮮奶，今次決定試下新野，試呢個朱古力珍珠拿鐵。朱古力味超級香濃，甜中帶d甘味，而珍珠一定係珍煮丹既招牌黑糖珍珠，所以夾埋飲就啱啱好，唔洗驚兩樣加埋會甜上加甜，珍煮丹既珍珠比起其他一般飲品店係細粒d，但係細珍珠都好煙韌同好有咬口，飲厭左黑糖珍珠鮮奶既美女們，如果想轉下口味可以試下朱古力珍珠拿鐵，一樣都係咁正。珍煮丹既珍殊​除左夠​Q​彈外，仲要係夠足料​，​唔會係嗰種死甜既味道➖➖蓋世不知春 $32蓋世其實係芝士奶蓋黎，不知春係一種名貴d既綠茶，因為產量較低。屬於係青茶既一種。不知春口感較薄，清淡中帶點茶香。奶蓋質感幼滑，有淡淡既芝士味，揀左3分甜啱啱好。➖➖地址: 銅鑼灣利園山道15號地舖