影片
更多
2018-05-27
586 瀏覽
因為返工就腳平時都經常幫襯，但今日遭遇決定blacklist！趕時間關係平時都會預先落call去到即取，今日亦唔例外。入店眼見入邊（係店入邊）企住起碼4個人係度等位。我冇為意直接入去俾錢（收錢姐姐講得出我係打電話落call）我俾完錢行返出靠近門口位諗住攞完即走。點知平時擺外賣個位冇嘢係樹，我一下未搞清楚發生乜樹（其實佢地miss咗我order），跟住就有一個短頭髮嘅阿姐（一副全世界得罪佢嘅樣），用好''友善''嘅語氣問我係做咩嘅，我話攞外賣，佢問我落咗未，我答落咗，再問我俾錢未，我答俾咗，然後佢''非常客氣''咁''請''我出門口，仲同一句''客氣''說話連續講咗兩次！你地miss咗order浪費我時間係度等，有錯在先仲咁態度對客，真係火都嚟埋！我知你舖位細，你好聲好氣同我講其實我冇所謂，但你咁態度對客，係咪已經收曬錢就可以no service？其他等位嘅人未幫襯反而可以棟係度嘆冷氣，我嚟個實在客人就被趕出去室外30幾度等？劉華都有教今時今日咁嘅服務態度係唔得啦！未食已經一肚氣，絕對冇下次！！
張貼