影片
更多
2022-11-10
1974 瀏覽
坐落家傳戶曉嘅文華東方酒店|好評如潮嘅米芝蓮一星扒房 | 文華扒房 Mandarin Grill + Bar周日燒烤套餐 Sunday Roast「於燭光跟笑意裡，談談童年提及理想」，相信各位朋友都成日會煩惱同家人朋友伴侶去邊度慶祝食一餐豐盛滿足嘅大餐，肆意慶祝一番。咁我相信坐落係文華東方嘅一星米芝蓮扒房絕對滿足到大家，文華扒房由上世紀六十年代開業，一直保持住城中最紅扒房嘅牌頭，我諗大家鐘意食牛扒嘅都必定會將依間餐廳放係榜上。除左招牌菜威靈頓牛柳令人一試難忘之外，今次我同朋友就嚟試下只限係周日同部分公眾假期供應嘅周日燒烤套餐，人均約900/1位，住客及部分信用卡可能有優惠，依個Sunday Roast menu選擇比平時lunch menu更豐富，而價錢亦都唔會太進取。Sncaks 小食-A5 Wagyu Steak Tartare + Grilled Sourdough A5生和牛他他配酸種麵包 4.5/5⭐️-Grilled Scallop 燒帶子 3.8/5⭐️-Chilled Oyster 生蠔 4/5⭐️-Japanese Organic Cage Free Egg (Benedi
好評如潮嘅米芝蓮一星扒房 |
文華扒房 Mandarin Grill + Bar
周日燒烤套餐 Sunday Roast
「於燭光跟笑意裡，談談童年提及理想」，相信各位朋友都成日會煩惱同家人朋友伴侶去邊度慶祝食一餐豐盛滿足嘅大餐，肆意慶祝一番。咁我相信坐落係文華東方嘅一星米芝蓮扒房絕對滿足到大家，文華扒房由上世紀六十年代開業，一直保持住城中最紅扒房嘅牌頭，我諗大家鐘意食牛扒嘅都必定會將依間餐廳放係榜上。
除左招牌菜威靈頓牛柳令人一試難忘之外，今次我同朋友就嚟試下只限係周日同部分公眾假期供應嘅周日燒烤套餐，人均約900/1位，住客及部分信用卡可能有優惠，依個Sunday Roast menu選擇比平時lunch menu更豐富，而價錢亦都唔會太進取。
Sncaks 小食
-A5 Wagyu Steak Tartare + Grilled Sourdough A5生和牛他他配酸種麵包 4.5/5⭐️
-Grilled Scallop 燒帶子 3.8/5⭐️
-Chilled Oyster 生蠔 4/5⭐️
-Japanese Organic Cage Free Egg (Benedict / Royale / Smoked Haddock) 日本流心蛋 3.8/5⭐️
侍應一見我地就座，就奉上餐包，然後就開始遞上每人一份嘅A5生和牛他他配酸種麵包，和牛他他伴隨住蕃茄汁調味，觧中帶酸，非常開胃，美中不足就係份量令人意猶未盡。燒帶子同生蠔都非常新鮮，係5星酒店嘅高水準。至於每人一份嘅流心蛋就有三種配料，分別係煙燻火腿/三文魚/鱈魚，我地就試左三文魚同火腿，流心蛋蛋醬做到爆漿流心效果，配上文華自家製煙三文魚更加將味道昇華，單單係小食已經令我地非常滿意。
Appetizers 頭盤 (4選1)
-Chef’s Blue Lobster Cocktail Avocado, Gem Lettuce & Cocktail Dressing 藍龍蝦沙律3.8/5⭐️
-Homemade Smoked Salmon 煙三文魚 4.5/5⭐️
-Blue Lobster Bisque, Tarragon Cream, Cognac 龍蝦湯 4.5/5⭐️
之後我地一行四人分別揀選唔同頭盤，首先嘅藍龍蝦沙律賣相擺盤討好，味道不過不失，正常發揮。然後付應推上餐車為我地席前即切嘅文華扒房扒房自家制煙三文魚，雖然係頭盤，但份量足夠我地四人分享，煙燻味濃郁，配上各種配料增添味道，非常推薦。嚟到文華扒房嘅另一招牌頭盤重頭戲，文華龍蝦湯，侍應首先係我地面前放低裝有Tarragon Cream同龍蝦肉嘅湯碗，然後再即席為我地倒上龍蝦湯，兩者中和融合嘅香氣令我地興奮不己，而龍蝦湯味道非常濃郁可口，配上啖啖龍蝦肉，滿足感極高，亦都非常推薦，必點之一。
Roast 主菜 (6選1)
Slow-roasted USDA Prime Rib of Beef 慢煮USDA 烤牛肋扒 4.8/5⭐️
Roasted Te Mana Lamb Shoulder Rack 烤羊肩架 4.5/5⭐️
到咗主菜嘅重頭戲，由於之前已經試過文華招牌嘅威靈牛柳，今次就揀咗另一個非常出名嘅招牌慢煮USDA烤牛肋扒與及烤羊肩架，侍應又再度推出餐車席前即切，每一塊牛扒都係碟厚切，而且生熟程度非常粉嫩，睇得出廚師對火喉嘅控制非常精準，另外仲有係傳統名牌扒房常設嘅Yorkshire Pudding。牛扒多汁粉嫩不在話下，每一啖都食到濃濃嘅牛肉味，油脂分配亦係恰到好處，暫時係我人生食過咁多牛扒之中最TOP嘅幾名之一。美中不足嘅係個Yorkshire Pudding即使淋上醬汁仍然非常硬，唔太欣賞。而烤羊肩架亦都非常出色，羊架連肉帶骨部位味道濃郁，單獨放係其他餐廳相信已經係鎮店招牌，可惜係文華依度被烤牛肋扒同威靈頓牛柳比咗下去。另外仲有配菜同麵包供應，不過我地已經非常飽，淺嚐一口之後就全部打包拎走。
Dessert Selection 甜品精選 4.3/5⭐️
常言道，甜品係放係另一個胃，我地一行人食完主菜之後飽到上心口，但係在場女仕們都係戰鬥力非凡，接住出場嘅係一個打卡度滿滿嘅甜品三層架，當中印像最深刻同驚喜嘅當然係1963文華芝士蛋糕。
-
總結:文華東方酒店同文華扒房係中環迄立多年，歷久不衰，除左令人貼心優質嘅服務態度之外，食物出品水平一直都係維持高水準，有時除咗去自助餐放蹤一輪之外，亦都會想約三倆之己放鬆休閒細味一下高質美食，而其後我亦試過其他五星酒店及城中知名熱門扒房，但講到印象深刻以及最想回味嘅，暫時都係文華扒房。
====
文華扒房及酒吧 (中環)
📍中環干諾道中5號香港文華東方酒店1樓
====
#文華扒房#centralfood #中環美食 #mandaringrill #米芝蓮 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食
====
Follow✨：@healoop.foodie
A5和牛他他
52 瀏覽
1 讚好
0 留言
34 瀏覽
0 讚好
0 留言
31 瀏覽
0 讚好
0 留言
自家制煙三文魚
40 瀏覽
0 讚好
0 留言
龍蝦湯
830 瀏覽
1 讚好
0 留言
烤牛肋骨
60 瀏覽
0 讚好
0 留言
38 瀏覽
0 讚好
0 留言
甜品精選
56 瀏覽
0 讚好
0 留言
張貼
