愛 . 添 (已結業)

每次返工好忙好攰好多怨氣，都好想收工之後同班同事過黎食甜水，平衡下自己心理😤😤呢間甜品鋪都幾多人排，鋪仔細細，座位唔多，所以有陣人多都幾難等位😣水果茶(左) 幾清新同少少酸，飲落幾開胃。而且裡面都有好多款生果，食到滯個陣食啲生果，飲啖茶，感覺幾舒服奶蓋芝士蜂蜜綠茶(右) 奶蓋好厚，唔會飲兩啖就無。芝士味都好重，不過唔會溜。口感好thick好creamy，鍾意芝士奶蓋既我好滿足。另外蜂蜜味濃郁，配合埋芝士味一齊都好夾👍🏻窩夫可以話係必點🙈 佢有幾款口味，而且會定期轉款，就算成日黎食都唔會悶。作為珍奶控，當然要點返個珍珠奶茶窩夫。上面佈滿奶茶醬同珍珠，仲有芋圓，熱辣辣食真係好正🤤🤤另外仲有大福同奶茶雪糕，一個人其實唔係好食得哂😛 因爲食到一半都飽左🤭好似係叫曲奇朱古力流心梳乎厘🤔上面佈滿曲奇碎，中間有啲凍既cream，然後個梳乎厘中間係朱古力流心！ 真係好好味😋 不過唔知係唔夠多朱古力定放耐左，唔係好夠流心，不過都已經好好味啦😌😌食完甘多甜野，真係好滿足，乜唔開心都無哂✌🏻