Homy Cafe (已結業)

其實已經食過N咁多次，不過依家先黎寫，因為我覺得維持到水準好緊要，食咁多次味道都係一樣，同朋友食試過，同屋企人食都試過，不過呢幾次都係自己一個食，因為星期日一個人等位唔駛等咁耐😆每次都係食香煎厚切豬扒拌薯條🍟，佢個豬扒真係好正，咁厚身都唔會唔熟或者over cook,而且個蜜糖介辣醬真係好好味，薯條又脆卜卜，基本上食完一定會飽，我通常都係飲咖啡☕️多，佢哋嘅咖啡又真係好飲，奶同咖啡嘅份量配合🉐️啱啱好，而且拉花仲鬼咁靚，佢哋真係keep住都好多人食，所以如果星期六日食嘅話，就要早啲去🙌🏻