喜來稀肉 (瓊華中心)

營業中

休息中

呢2 年最常食嘅韓燒莫過於喜來稀肉，肉嘅品質有保證，仲有任添配菜。 銅鑼灣同尖沙咀分店都去過，以暗色木系為主。旺角半年前亦開咗分店，今天第一次去，發現裝修以藍白色為主，比較時尚，而且特設配料自助區包括兩份泡菜、涼拌芽菜、醃蘿蔔同生菜等，仲可以任叫爐邊蛋，有原味同芝士味，芝士味食極唔厭。餐廳環境乾淨，大多係卡位，座位好寬敞，抽風系統可以調較上下，食完都唔會有油煙味。 🔎喜來燒肉 $158招牌肉之一，每次必叫嘅牛肉， 捲成花形，擺碟更加靚，肉質鮮嫩，🔎濟洲五花肉$180 油花豐富，超邪惡，燒起嚟超搶火。🔎牛護心肉 $160幾有咬口，點下烤肉汁更加惹味🤩🔎燒酒$70一般韓燒餐廳嘅定價，呢個牌子水果味更加易入口，朋友話原味不了。 有埋小酒杯可以慢慢淺嚐，一齊乾杯。