漁牧 (已結業)

一連幾日落雨，都冇乜出過街，今日決定去尖沙咀食餐好嘅午餐。今日同大人行開尖沙咀，先發覺原來加拿分廣場有間漁牧，所以入去一試！由於比較細食嘅關係我哋叫咗一個午市兩份食^_^係餐牌度見到佢嘅叉燒好吸引，就決定叫個秘蜜叉燒飯！原來秘蜜叉燒飯係咁解😂叉燒上邊有啲柚子皮好似平時沖柚子蜜嘅柚子皮咁！再加上蜜糖燒烤而成嘅叉燒！味道非常之好味而且十分開胃！叉燒係有厚切切成的，所以有一定嘅厚度，入口好有質感，而且肥瘦適中，好啱女士食用！加上叉燒上面有一絲絲嘅有柚子皮，食落好爽口好開胃😍！叉燒上邊沾上叉燒嘅蜜糖汁同有柚子汁，撈左落啲飯到，真係好惹味呀！