影片
更多
2022-06-08
2664 瀏覽
.📍九記牛什粉麵📍#饅頭去銅鑼灣 #饅頭的港味道------------------------------1️⃣ 例牌牛雜 ($108)呢度嘅牛雜真係好清好乾淨👍🏻，睇得出老闆係用咗好多時間去清洗，食材都夠新鮮，冇羶味同異味。呢度煮牛雜方式唔同其他店鋪咁用鹵水，而似係齋用草果粉、柱候醬、乾葱去煮，所以湯底偏清甜，保留到牛嘅原味鮮味🤤。牛直腸移走咗裏面大部分嘅脂肪，食落去爽口得嚟唔會太油膩😋，而又未至於完全冇油香；牛膀係煮得最好，粉嫩得嚟又有咬口😍；牛肺外面淋身，咬落去則有爽口嘅感覺；金錢肚同牛草肚亦軟腍入味。呢碗牛雜仲附送幾嚿蘿蔔，水分好多超鮮甜，吸曬牛雜嘅湯底同腩汁，配埋辣椒醬簡直喺無得彈。◾評分：8.5/10------------------------------2️⃣ 3餸車仔麵 ($36)同行嘅娘親就揀咗蘿蔔、煎鯪魚肉餅同雞翼米粉。湯底似係用咗蘿蔔、乾蔥同蒜頭熬嘅清湯，飲落有啲蘿蔔嘅鮮甜同香料嘅味道，其實呢個價錢，基本上唔係用清水烚比我都好滿足😂。米粉我覺得佢幼身得滯，雖然索湯入味，不過就好容易煮得太淋冇乜咬口；蘿蔔唔使多講，同上面一樣煮得又腍又好食，因為係清湯，所以蘿蔔嘅鮮味更
📍九記牛什粉麵📍#饅頭去銅鑼灣 #饅頭的港味道
------------------------------
1️⃣ 例牌牛雜 ($108)
呢度嘅牛雜真係好清好乾淨👍🏻，睇得出老闆係用咗好多時間去清洗，食材都夠新鮮，冇羶味同異味。呢度煮牛雜方式唔同其他店鋪咁用鹵水，而似係齋用草果粉、柱候醬、乾葱去煮，所以湯底偏清甜，保留到牛嘅原味鮮味🤤。
牛直腸移走咗裏面大部分嘅脂肪，食落去爽口得嚟唔會太油膩😋，而又未至於完全冇油香；牛膀係煮得最好，粉嫩得嚟又有咬口😍；牛肺外面淋身，咬落去則有爽口嘅感覺；金錢肚同牛草肚亦軟腍入味。呢碗牛雜仲附送幾嚿蘿蔔，水分好多超鮮甜，吸曬牛雜嘅湯底同腩汁，配埋辣椒醬簡直喺無得彈。
◾評分：8.5/10
------------------------------
2️⃣ 3餸車仔麵 ($36)
同行嘅娘親就揀咗蘿蔔、煎鯪魚肉餅同雞翼米粉。湯底似係用咗蘿蔔、乾蔥同蒜頭熬嘅清湯，飲落有啲蘿蔔嘅鮮甜同香料嘅味道，其實呢個價錢，基本上唔係用清水烚比我都好滿足😂。
米粉我覺得佢幼身得滯，雖然索湯入味，不過就好容易煮得太淋冇乜咬口；蘿蔔唔使多講，同上面一樣煮得又腍又好食，因為係清湯，所以蘿蔔嘅鮮味更加突出；煎鯪魚肉餅好好食❤，即使浸咗湯一段時間都食到少少脆皮，鯪魚肉味好重，爽口彈牙，裏面嘅油香同蔥味會慢慢散發出嚟💯，又唔會膩喉；雞翼我冇食到，我阿媽話係滷水煮嘅，好入味好好食，下次再試😂。
評分：7.5/10
------------------------------
🔸整體評分：8.0/10
🔸小編回頭率：7.5/10
張貼
