EXP

營業中

休息中

EXP都算係又細食到大嘅餐廳，由細細個去又一城開始已經係食EXP，仲可以一路睇人哋溜冰。其實自從之前裝修之後都覺得食物有進步，而家仲變成我最愛嘅Pizza頭幾位🤣🤣🤣首先一定要推介軟殼蟹沙律，佢係泰式嘅味道，同埋比較辣，不過我覺得蟹炸得好好食，同埋份量都幾多，所以好抵食。手拉薄餅真係即叫即整，所以都要等20分鐘左右，呢度嘅薄餅有意大利嘅感覺，唔會好似麵包咁厚，但係又有chewy feel，同埋醬汁唔會落得太多，所以感覺唔會好膩。另外呢個pancake就麻麻哋因為好油，個煎pan個底係超級多油，雖然熱辣辣嘅pancake配埋雪糕係幾好食， 不過都係試一次就夠。