番本日式放題 (已結業)

正呀！又去食好野啦！ 而家一個星期做三日運動…好努力但一餐已經令我前功盡廢…我要馬上瘦身傷心事都係唔講，講返正題先今日同朋友們團年，食放題就最好之選！咩都有得食，想食幾多有幾多!呢間幾好喎星期五六日都冇加價，通常都一至四一個價錢五六日一個價錢，呢間仲有一個星級之選只係加五十好抵食，生蝦真係超級正勁大隻呀應該係一般既三四倍大，蝦肉新鮮又鮮甜，帶子大大粒夠曬厚肉(*^o^*)星級蟹粥係我最欣賞，材料夠足，足足有一隻蟹係個鍋，冇偷功減料，食落口粥夠曬綿而且好鮮甜食得出真係用米煲出來，絕對唔係溝水加麵粉做出來，感覺到用心用時間既心血結精，會用薑來逼走青味，食落去好舒服好溫暖有媽媽的味道(*˘︶˘*)我仲有食青口同羊架但係淨係掛住食唔記得映相，青口勁大碗醬汁爆多勁creamy食得多真係會好易飽，羊架燒得夠冧有人食羊鐘意佢本身獨特既蘇味有人就怕太蘇呢個羊架就夠曬唔鐘意太重味既人食啦！叫到放題少有既花之戀 ，三文魚好肥好新鮮，不過要小心好易散開曬天婦羅夠熱夠脆經大火炸逼走曬油內裏冇咩油好正仲有日式火鍋甜豉油湯底我至愛♡(*^o^*)♡同果d牛乜乜冇咩分別好開心再一杯日本梅酒冇得頂大享受!!食到九點幾