嫲嫲雲吞雞 (崇齡大廈) (已結業)

兩個人喺街食嘢，一般餐廳只可以叫少量嘅餸，但嫲嫲雲吞雞好就好在可以嗌半份，變咗可以嗌多幾個餸，開心好多！今日就嗌左外賣自取，嗌咗花雕醉雞、雞絲粉皮、雲南花菜炒腩肉片（全部都係半份㗎 ！ ）雞絲粉皮十分好味，雖然係半份，但份量都唔少，而且落花生醬絕不手軟，所以絕對夠味！出邊有啲雞會好大浸雪藏味，或者好鞋，但呢度嘅醉雞嫩滑得來，又夠入味， $30有五舊，每舊都叫多肉嘅！呢個炒腩片係朋友叫嘅，我食咗兩舊腩肉，覺得太鹹了，可能真係要送飯先得！呢三樣嘢加埋外賣盒，大約$93 ，性價比都算唔錯啦！