Goobne Chicken (屯門時代廣場北翼)

營業中

休息中

今日老公買咗外賣返屋企，一入門口見佢拎住袋Goobne返嚟真係超雀躍，我超鍾意食佢哋嘅烤雞🍗，我同老公都認為佢哋嘅雞係最好食的😋。平時我哋會叫超辣嘅火山烤雞，不過咁啱賣晒，所以叫咗我哋嘅次選—甜辣烤雞。一打開，啲醬汁多到好似成個水塘咁，一見到已經流晒口水！我哋鍾意食佢哋嘅雞嘅原因係佢哋唔係炸，而係焗，食落去唔會有油淰淰嘅感覺，感覺亦都健康啲。佢哋嘅雞肉亦好有彈性，一啲都唔會靭，配上香甜惹味帶微辣、煮得好濃稠嘅醬汁，嘩！真係人生一大享受😎。食完後個盒仲有一大碗汁，我同老公都話下次要煮定啲白飯，用汁撈飯，唔好嘥！