影片
更多
2021-03-09
1833 瀏覽
齊柏林開到周圍都有，相信大家對佢都唔陌生啦。我以前最鍾意就係嗌佢地既薯條食，大薯條、芝士煙肉薯條都好好食，熱辣辣啱啱炸好，淋上勁多醬，邪惡指數爆燈🤩今次我終於第一次食佢地既熱狗，果然名不虛傳好正！1️⃣火炙芝士辣肉醬熱狗（$42）（套餐+$12）見到最多人推薦呢個同埋澳式風情熱狗，不過個人唔係太鍾意食菠蘿，所以就揀呢個試。個熱狗有芝士、辣肉醬、生洋蔥、黃芥末同埋荷蘭腸。個熱狗真係好大個，啲餡好滿好豐富。啲芝士真係超～多，面頭燒過，食落超拉絲，芝士味好重帶少少焦香🤤另外我勁鍾意佢啲辣肉醬，入面係真係食到啲鹹辣既肉粒，超惹味超正🤩🤩加埋啲生洋蔥同蕃茄醬，成個熱狗食落口感味道都好豐富好鬼正。本身都覺得個熱狗$42蚊有啲貴，食完之後完全覺得值呢個價🤤 套餐我揀左牛油粟米杯同埋細薯條。牛油粟米杯就冇乜特別，不過粟米好多，食極都仲有。薯條就一貫地好食，薯條夠粗夠脆，茄汁千島醬都比都好夠，食完好滿足😋 食完成個餐之後好飽好開心🥱
1️⃣火炙芝士辣肉醬熱狗（$42）（套餐+$12）
見到最多人推薦呢個同埋澳式風情熱狗，不過個人唔係太鍾意食菠蘿，所以就揀呢個試。個熱狗有芝士、辣肉醬、生洋蔥、黃芥末同埋荷蘭腸。個熱狗真係好大個，啲餡好滿好豐富。啲芝士真係超～多，面頭燒過，食落超拉絲，芝士味好重帶少少焦香🤤另外我勁鍾意佢啲辣肉醬，入面係真係食到啲鹹辣既肉粒，超惹味超正🤩🤩加埋啲生洋蔥同蕃茄醬，成個熱狗食落口感味道都好豐富好鬼正。本身都覺得個熱狗$42蚊有啲貴，食完之後完全覺得值呢個價🤤 套餐我揀左牛油粟米杯同埋細薯條。牛油粟米杯就冇乜特別，不過粟米好多，食極都仲有。薯條就一貫地好食，薯條夠粗夠脆，茄汁千島醬都比都好夠，食完好滿足😋 食完成個餐之後好飽好開心🥱
張貼
