添記燒臘飯店

營業中

休息中

這個的冬菇亭除了出晒名的成記豬扒飯之外，還有添記燒臘。講真，添記的人流不算多，可能因為營業時間不長，位置也不顯眼。但他們亦有一班熟客仔。而且價廉物美，雙拼燒味飯才$24一碟。不過，如果要脾類或燒鵝，價錢就貴d。每次到來，都係叫燒肉燒鴨飯。燒肉是芝麻皮的燒腩，皮很鬆化。皮下的肥肉很厚，雖說不健康，也不是一層層肥肉的五花腩，但我個人很喜歡，咁先至係燒腩嘛…最怕吃乾爭爭的柴皮瘦燒肉。燒鴨的皮也很脆，肉質很嫩。最重要的，這裏的燒味上碟時還是暖的，真係夠新鮮。唯一要彈的，是這裏的飯較硬。另外，有次試過他們的切雞，皮較淋，而且薑蓉實在很鹹。衛生環境方面，呢度係冬菇亭，當然唔可以太高期望，冷氣當然欠奉，也不時見到有客人隨地吐痰，如果真係好介意呢d野，就唔好黎啦。不過，以大牌檔來說，都算乾淨企理，起碼枱面、水杯和筷子都很乾淨。阿姐也有問有答，有傾有講。順帶一提，平日這裏開得早，收得也早，有時好生意，中午一時許便賣清燒肉或燒鴨，阿姐也會開始收枱。若兩點才去到，就必定無野食，因為一班伙記已開開心心咁圍埋食飯…真係好家庭feel。