euro go go

營業中

休息中

七一有兩日紅假，於是約埋朋友上廣州飲下、食下、hea 下。位於大本營有直通車直到廣州，十分方便。於是喺出發前，喺隔離嘅 Euro go go 食個豐富嘅早餐先出發。早餐套餐款式選擇唔多，只得7款，全都會配基本餐飲。如果想飲其他升級飲品，可+8轉飲。如果唔夠飽，可再以優惠價錢配其他美食。先落單俾錢，之後拎個號碼牌，食物就會有侍應貼心送上。同老公叫左同一樣嘅C餐 $34火腿香腸鮮茄湯通粉 配牛角包 + 熱咖啡火腿香腸都好多，蕃茄湯底唔算好濃，酸酸地有淡淡香草味，醒胃。通粉煮得啱啱好。Euro go go 嘅牛角包係老公至愛，大大個外脆內軟，熱熱地加入牛油食，正~