甜牙牙 (已結業)

每次係尖沙咀想食甜品都一定會去甜牙牙，喜歡佢地既甜品選擇多坐得又舒服。 雪地芒果船，賣相唔錯，有兩球雪糕、脆餅好脆有少少甜、椰果和滿滿既芒果果肉又香又甜，底層仲有芒果味道既啫喱。 冰火焦糖燉蛋，上面是燒過既蛋白，而下面係焦糖燉蛋。蛋白味較淡，但口感幼滑。忌廉食咗一啖疑惑咗好耐，到底佢係咪忌廉，食多幾啖，發覺有少少甜甜地，可能連埋焦糖一齊食。暖暖既蛋白再配凍既燉蛋，面頭既焦糖仍然係脆既而燉蛋又滑，有啲似食緊布甸。