博多拉麵別天神 (已結業)

忍唔住要介紹下自己最愛既拉麵餐廳：別天神！係網上討論區既意見分左兩極，一係好喜歡，一係就話唔好食，等我同大家解釋下點解覺得好食💁🏻首先個湯好醇好厚身，每一啖都飲得出個湯用左好多材料淆成十幾個鐘，個蝦味濃到好似啖啖都用蝦煮骨咁麵質幼細，非常之掛湯，將濃厚既豬骨味帶到每一條麵條當中佢既叉燒係有脂肪既，所以食落有油香同幼嫩既肉質襯托，不過係未去到入口即溶既（曾經某雜誌讚豚王既叉燒係入口即溶）另外自己亦品嚐過佢既豬骨湯，又係濃到每一啖飲落都好有口感，飲完之後，啲骨膠原仲停留係個口腔晚市去食都排左半個鐘先吃到，但係值得架！希望每一次食都可以食到咁令人幸福既拉麵，唔好變失準❤️