雲家小鍋米線 (安寧大廈)

營業中

休息中

雲家一直係我最愛的前3名米線店，最欣賞佢的就係每碗米綿都即叫即煮，非常用心。而且選擇夠多，永遠都係餸多過麵。今次外賣返屋企食。一碗牛腩小鍋米線加螺旋草和魚肉春卷。牛腩好大件，炆得入味。魚肉春卷都有手指咁長，食落爽彈有魚味，仲有蔬菜粒粒增加口感。螺旋草似好帶的味道，夠健康又可以補充纖維。另一碗豬扒小麻辣紅薯粉加花菇、蘿蔔。小麻辣食到肉碎炒豆瓣醬的味道，麻香，很惹味。豬扒每次必點，肉厚量多，醃得夠入味。花菇真係食過咁多間米線店中，最厚身的。加上菇味濃郁，內裡好juicy。蘿蔔就正常發揮，清甜無渣。另外仲點了麻辣金錢肚，金錢肚係薄切，所以更入味，而且不用咀嚼太久。麻辣味適中，吃不停口。外賣有得分湯，而且pack得好，同堂食的質素不相伯仲。