宏 (已結業)

今日去左黃埔食飯，早早決定左去一間日式抹茶專門店食個晚餐！我超喜歡茶味，入口甘香解膩，平時我都會喝上兩三杯，今晚特意黎到這間餐廳，就想一嚐餐廳出色的甜品。我叫左一個天婦羅定食，當中有天婦羅飯，與海藻烏冬，配上沙律。天婦羅一直係我最愛，次次去居酒屋都叫一客食。天婦羅定食有炸蝦、炸蕃薯、炸茄子、炸秋葵等等，炸粉完全唔厚，入口薄薄炸粉完全唔油膩，大蝦爽口彈牙，蔬菜炸得甘香爽甜，飯粒用上日本來貨的新瀉米，粒粒米香重好煙韌，醬汁唔多更加食得出天婦羅的鮮甜香味。海藻烏冬是我最驚喜，湯底香甜清淡，唔會有絲毫油膩感，湯底清清，海藻烏冬爽口掛上清湯，入口麵粉香味重，烏冬更是彈牙。沙律菜新鮮爽甜，加上醋汁，爽甜夠酸香，非常開胃。另外我點上一杯青森蘋果汁，香甜蘋果味濃，非常清香。日本的蘋果是比較清甜的，令我更想念日本。定食包括一個甜品，我點上一個抹茶卷蛋，卷蛋非常鬆軟，入口鬆香抹茶味濃甘香，抹茶忌廉幼滑茶味令人滿意。相信日後我再會來的。