北角四眼妹美食屋 (已結業)

星期六都要返工 真係冇曬動力， 突然放工好想食雞蛋仔， 記得上次探朋友， 幫襯過 一間好好味嘅雞蛋仔， 所以專登搭車落北角。 老闆娘好好， 每次都係笑面迎人，好有禮貌， 最鍾意就係咁有親切感 ，同埋人情味嘅街坊小店。今次試原味雞蛋仔， 仲有魚肉燒賣原味雞蛋仔， 外脆內軟， 每一粒都脹卜卜😋😋😋 仲有好香嘅蛋味。 不過要食雞蛋仔就要等得耐啲啦😣😣😣， 因為都 幾多人買雞蛋仔，所以平均都要等返十零分鐘。 冇辦法啦即叫即製，唯有等多陣。😂😂另外嗌咗魚肉燒賣， 佢啲燒賣唔會死實實， 係比較煙韌帶埋嗰隻， 而且個辣椒油真係好香。