宜家家居餐廳及咖啡室

營業中

休息中

一直都好掛住ikea既肉丸，咁岩係觀塘行街，就去megabox個ikea食晚飯。一入到ikea cafe，坐無虛席，好多人，好迫。然後，推住架餐盤車去買野食。今次，一共食三樣野，分別係最愛既肉丸，西冷牛扒同埋凍蝦。肉丸呢家樣，ikea既撚手小菜，都唔需要特別講，一個字，好好食！到塊西冷啦，唔好睇佢好似好大塊，其實你淨係食到佢既五分之三，因為其餘果d 全部都係根呀，脂肪呀咁樣。唔係我唔想食呀，係我切唔開條根呀，條根仲un過香口膠，扣分！好，到凍蝦啦。唔知點解，隻隻蝦個肚仔都係好多蝦籽係到，可能我係ikea cafe新手，無乜點成日食啦，唔係好接受到。  但係咁既價錢，d 蝦又唔係差，幾抵食既。到野飲方面，就簡左汽水，7蚊任飲。但可能太多人既關係，汽水部既同事可能忙得滯，搞錯左。竟然凍檸茶有氣，但百事無氣。下次飲果汁應該穩陣dOverall, 肉丸係可以食30粒既，其他試下就ok啦。