KOI Thé (弼街) (已結業)

呢間KOI我幫襯左幾年，之前鍾意佢個黃金珍珠奶茶，我覺得啲黃金珍珠特別煙韌。不過最優秀嘅都係芋圓！無論飲啲咩都好，一定要加芋圓！我嘅最愛就係芋圓烏龍茶拿鐵$36，雖然$36買一杯飲品真係好貴，但係佢真係好好飲！茶底清香唔會比奶味掩蓋，拿鐵係鮮奶，特別香滑，然後芋圓份量一啲都唔少，本身用咗同糖煮，香甜煙韌有咬口，芋頭味好香。不過KOI 特點就真係好甜，過甜嗰一隻，半糖都未必受得住，強烈建議微糖，否則糖水過多咩味都飲唔到。