華倫餐廳 (已結業)

茶餐廳真係最貼地最好味，係我既至愛呀！講到食茶記，西多已經冇得輸，再加埋係流沙既西多真係冇理由唔食🤤🤤🤤流沙西多入面有流沙蛋黃，食落味道有點似流沙奶黃月餅，但又唔會太甜，金黃香脆，可想而知係幾咁好食喇！值得一提既係南瓜薯餅好特別！比普通薯餅口感更豐富更香脆。我自己本身唔中意食南瓜都覺得好食，南瓜味唔會太濃。識食一定識豬扒麵配杏霜！豬肉質鬆軟，邊邊位帶有小小脂肪，入口更鬆化好食！最開心既係杏霜杏仁味好濃，入口口感濃稠，唔會水汪汪，非常滿足呀！