影片
更多
2022-03-17
492 瀏覽
🚦一幻拉麵🦐蝦湯拉麵（全蝦湯+鹽味）🦐8/10第一啖食落嘅時候蝦味比較淡，唔知係咪因為未撈勻😳但食多兩啖，蝦味就變得濃郁得多，甚至食到最最最後有少少膩添，因為湯底都比較醇厚，所以特別掛湯🍜佢嘅叉燒嘅肥瘦交織，每一啖都一定會咬到肥同瘦嘅部份，感覺好軟熟🐑味道醃得啱啱好，吊到肉味之餘又唔會太鹹😛溏心蛋係正宗地凍嘅，同樣夾得啱啱好，不過蛋味唔算特別出🥚🧄黑蒜叉燒蝦湯拉麵🧄9/10圖入面你見到嘅係有+$15多蔥version🌱我最愛嘅就係佢嘅湯底，俾咁高分都係因為佢個湯底😍湯底以蝦味為主、黑蒜油味為副，因為加咗黑蒜油而令蝦香味更出、更鮮，比起普通蝦麵好似更加濃郁🥣個湯有啲蝦味嘅脆脆，就算俾湯浸淋咗之後，隻味都好出，食到嘅時侯蝦嘅鮮味會洋溢喺口腔👄叉燒有炙燒過，我想像佢會比較香🔥但食落口反而冇普通嘅咁重肉味，仲老咗少少添👴普通叉燒好食啲😂小菜們 8.5/10🌶辣味豆腐🌶推呢個！豆腐上面就係我講緊拉麵上面有嘅蝦味脆粒😍好好食，而且佢嘅辣味有少少鹹香嗰種，比平時食開嘅調味豆腐惹味😋豆腐仲要非常嫩滑，非常值得一試！🍄雞髀菇🍄雞髀菇上面有動感柴魚🐟整體味道偏淡，就算係浸住豉油嘅雞髀菇塊，都唔係幾夠鹹🧂加
🦐蝦湯拉麵（全蝦湯+鹽味）🦐
8/10
第一啖食落嘅時候蝦味比較淡，唔知係咪因為未撈勻😳但食多兩啖，蝦味就變得濃郁得多，甚至食到最最最後有少少膩添，因為湯底都比較醇厚，所以特別掛湯🍜
佢嘅叉燒嘅肥瘦交織，每一啖都一定會咬到肥同瘦嘅部份，感覺好軟熟🐑味道醃得啱啱好，吊到肉味之餘又唔會太鹹😛
溏心蛋係正宗地凍嘅，同樣夾得啱啱好，不過蛋味唔算特別出🥚
蝦湯拉麵
16 瀏覽
0 讚好
0 留言
🧄黑蒜叉燒蝦湯拉麵🧄
9/10
圖入面你見到嘅係有+$15多蔥version🌱
我最愛嘅就係佢嘅湯底，俾咁高分都係因為佢個湯底😍湯底以蝦味為主、黑蒜油味為副，因為加咗黑蒜油而令蝦香味更出、更鮮，比起普通蝦麵好似更加濃郁🥣
個湯有啲蝦味嘅脆脆，就算俾湯浸淋咗之後，隻味都好出，食到嘅時侯蝦嘅鮮味會洋溢喺口腔👄
叉燒有炙燒過，我想像佢會比較香🔥但食落口反而冇普通嘅咁重肉味，仲老咗少少添👴普通叉燒好食啲😂
小菜們 8.5/10
🌶辣味豆腐🌶
推呢個！豆腐上面就係我講緊拉麵上面有嘅蝦味脆粒😍好好食，而且佢嘅辣味有少少鹹香嗰種，比平時食開嘅調味豆腐惹味😋豆腐仲要非常嫩滑，非常值得一試！
🍄雞髀菇🍄
雞髀菇上面有動感柴魚🐟整體味道偏淡，就算係浸住豉油嘅雞髀菇塊，都唔係幾夠鹹🧂加上菇都切得比較細件，令到菇味都唔出
🥒青瓜雲耳🥒
幾好食，佢同平時嘅醋味有少少唔同，但我唔係好噏得出有咩唔同🤣如果再大兜啲就好啦🤩
整體8.5/10
1️⃣一入到去間舖頭，已經聞到陣蝦味，所以呢個蝦嘅湯底真係好出😍豬骨湯底、魚介湯底都食過，蝦湯底真係少見，而且一幻拉麵做得好出色，鍾意食下先來嘅人朋友一定要去試🤩
2️⃣Menu上有推薦嘅選項，我哋今次就係跟住佢揀✔️但你可以選擇加少少豬骨嘅湯底，或者要辣味、味噌等等😉雖然專做蝦湯底，但我相信好多人都會搵到啱自己嘅湯底味道😌
3️⃣我哋嗌二人套餐，人均最後$160左右，包埋嘢飲，拉麵嚟講都差唔多👍而家食仲要有優惠，有兩張$100嘅coupon🎫所以我哋都諗住遲啲再翻兜➿
4️⃣侍應們好Nice🧡環境都ok舒適，咁啱我哋坐個位比較寬敞但都見到有啲位係會迫少少少少少🤏但overall都夠空間、唔嘈同埋乾淨🪑
5️⃣我對一幻拉麵嘅印象仲係停留緊係一開業打哂蛇餅🐍但我哋今次佢已經唔同晒，就星期六下晝兩點去直入，人流正常翻好多🙏
💌如果鍾意我嘅分享嘅話，請follow我💌
張貼
