肥哥車仔麵

營業中

休息中

由中學時期開始食左肥哥以前真係好抵，雖然宜家貴左好多，但佢既味道唔係第二到食得到，所以貴左都會得閒食下。食左咁多年，我最中意係豬頸肉+豬腸/雞翼+蘿蔔配河粉。豬頸肉好香，係特別醃製過，出面完全食唔到既香味，口感亦都爽滑，十分推介！雖然份量有啲少，但真係好好味。豬腸，雞翼同蘿蔔都醃得好入味，蘿蔔係好淋好入味，間中有根。重點係一定要食辣，因為佢個辣汁好特別 好夠辣 亦都有一種香味。我食開微辣或者小辣 ，唔係好食得辣既人微辣就好，可能都會食到你辛苦，因為佢微辣都有好明顯既辣味咖喇。小辣就開始流晒鼻水咖喇。辣汁係老闆秘製，用好多香料製作，因為我有時候會撈到啲薑呀，花椒八角出黎。加腩汁係第二個重點，因為加左腩汁個湯好鮮甜。我試過冇加辣或者腩汁，即刻變得唔好食。所以謹記一定要食辣同加腩汁我有個朋友推介雞翼，每次都打孖叫，其他朋友話好食既仲有豬紅，雞翼尖，豬手。今日第一次試灼鮮牛，又真係幾好味！