HABITŪ table (已結業)

個日放學咁啱係同銅鑼灣行街，行到悶悶地又差唔多晚餐時間，就唸緊食乜野呢，於是就即刻打電話問我個個成日周圍食好野既朋友有咩好推介，佢就介紹咗呢間habitu比我，一開始以為係普通西餐啦都冇咩特別，但未試過所以都上網睇下個Menu係點，有咩咁好食，第一眼睇個價錢心唸咁貴，點知再睇下佢啲食物都幾特別喎，仲有軟殼蟹意大利飯!最中意就係食軟殼蟹!!跟住唸都冇唸就同朋友去左呢間試，入到去環境好舒適，好home feel, 首先意大利飯真係冇得頂，飯唔多但勝在隻蟹好大，而且炸得夠脆，不過食個陣要小心啲尖腳，除左意大利飯我地仲叫左個薄餅，pizza個人認為就麻麻地，味道唔太夾，而且醬汁都麻麻地，可能係我地食唔慣啦，不過大推意大利飯，夠咬口加夠Juicy!