品穀

營業中

休息中

之前食過品穀嘅麵包同蛋糕都知佢啲出品係高質嘅，今次經過又忍唔住入去睇下，買左件海鹽焦糖碧根果曲奇同伯爵茶鬆餅。個曲奇一拎出嚟已經聞到好香果仁嘅味😍，食落去個碧根果仲係好脆好香。呢隻曲奇係軟身嘅曲奇，配埋脆身嘅果仁係好夾。雖然係焦糖，但係成個曲奇都唔會好甜，係好香果仁嘅味道，忍唔住一啖一啖係咁食😋。鬆餅就無個曲奇咁有驚喜，我係第二日焗反熱黎食，都好有伯爵茶嘅味，不過個鬆餅就乾身啲，如果入面無咁乾就好啦！我仲睇到呢度有個海鹽焦糖果仁撻，下次一定要試下！溫馨提示呢度嘅面包袋係無手抽嘅紙袋，所以黎買野記得帶袋。