韓國屋 (已結業)

今日，黎到大本型food court，我其實唔鐘意food court，因為太多選擇，對於有選擇困難既我，真係好頭痛架。大本型既food court算新淨，人流唔多又夠大，所以好多位任坐。行完一個圈之後，幾經辛苦，決定食泡菜國既野食。本來想叫個石頭窩飯，賣單既一刻，俾我見到有我最鐘意既紫菜包飯！我即刻改變主意，點左個紫菜包飯過下口癮。牛肉紫菜卷一條長長既紫菜卷，切開大概有十舊左右。紫菜卷以珍珠米包住青瓜，韓國酸蘿蔔，紅蘿蔔和牛肉，在紫菜卷外面再灑上芝麻粒，增加香味。紫菜卷既米飯有咬口，夾起不會很易散開，材料新鮮，青瓜蘿蔔食落十分爽口，牛肉軟腍帶點甜既燒肉汁味，食落仲係暖既，和其他攤涼左既材料形成對比，好似係南大門食既紫菜包飯既味道呀！好懷念，極速食晒！