Outback Steakhouse (黃埔天地) (已結業)

自從公司附近冇咗間outback，已經好耐冇食過喇，嚟開黃埔，朋友帶咗我嚟食個late lunch。由於已過繁忙時間，呢間鋪又相對比較大，我地兩個人都被安排坐4人卡位，坐得好闊落。見仲有套餐叫，就叫咗2個餐，分別係香辣燒蝦飯同一個burger。餐湯係忌廉洋蔥湯，配上佢嘅招牌黑糖麵包，以前就已經好鍾意食佢個黑糖麵包，麵包軟熟，甜度適中。香辣燒蝦飯有4隻已經剝咗殼嘅蝦，唔算太辣，不過飯唔夠乾身。澳坊芝士漢堡呢個比較普通，漢堡扒太乾，薯條反而好食，炸得脆口唔淋。