影片
更多
2018-10-21
409 瀏覽
話咁快又到星期六，今個星期就約咗班朋友喺筲箕灣食lunch。嚟得筲箕灣，就緊係要去東大街搵食啦😋東大街有好多食肆，當中有兩間同名都係叫安利，而兩間安利門口都有好多人排隊，今次就試下天后廟斜對面望落比較新淨嗰間。據說呢間牛腩好味，另一間就魚旦比較好味。我地12:30去到排隊拎飛，等咗20分鐘左右就入得，喺出面排隊嗰陣已經諗好哂食咩，入到去即刻落單，呢到雖然好多客，但上菜速度好快，店員爽手有效率。提提大家落單嗰陣有咩要求記得一次過講埋(e.g. 肥腩瘦腩多葱走葱加腩汁等等)。片頭爽口彈牙湯底清甜鮮味，一啲都唔咸，飲哂啲湯都唔會覺得口渴。好鐘意食呢到嘅牛腩，唔會太冧，夠火喉入味得嚟依然保持到咬口。唔鐘意食韌腩嘅朋友可以叫肥腩，入口鬆軟同時帶有油香。撈麵冇撈到打哂結一舊舊又唔油，每條麵都均勻上色，但個人認為味道偏淡，要再加埋秘制辣油先夠味，麵質爽彈，口感十足。爽腩勁爽，但份量略嫌有點少。牛筋鬆化好入味。呢到嘅奶茶香濃幼滑，茶味重得嚟一啲都唔會澀，鐘意飲奶茶嘅朋友一定要試。絕對係必食推介，一塊麵包加牛油煉奶hkd$15可能感覺上有啲貴，但食過就知道值回票價。由於我地3個人食，特別要求多士"一開三
東大街有好多食肆，當中有兩間同名都係叫安利，而兩間安利門口都有好多人排隊，今次就試下天后廟斜對面望落比較新淨嗰間。據說呢間牛腩好味，另一間就魚旦比較好味。
我地12:30去到排隊拎飛，等咗20分鐘左右就入得，喺出面排隊嗰陣已經諗好哂食咩，入到去即刻落單，呢到雖然好多客，但上菜速度好快，店員爽手有效率。
提提大家落單嗰陣有咩要求記得一次過講埋(e.g. 肥腩瘦腩多葱走葱加腩汁等等)。
片頭爽口彈牙湯底清甜鮮味，一啲都唔咸，飲哂啲湯都唔會覺得口渴。
好鐘意食呢到嘅牛腩，唔會太冧，夠火喉入味得嚟依然保持到咬口。唔鐘意食韌腩嘅朋友可以叫肥腩，入口鬆軟同時帶有油香。撈麵冇撈到打哂結一舊舊又唔油，每條麵都均勻上色，但個人認為味道偏淡，要再加埋秘制辣油先夠味，麵質爽彈，口感十足。
爽腩勁爽，但份量略嫌有點少。
牛筋鬆化好入味。
呢到嘅奶茶香濃幼滑，茶味重得嚟一啲都唔會澀，鐘意飲奶茶嘅朋友一定要試。
絕對係必食推介，一塊麵包加牛油煉奶hkd$15可能感覺上有啲貴，但食過就知道值回票價。
由於我地3個人食，特別要求多士"一開三"店員都好樂意為我地安排。
多士比一般出面食嘅厚，而且烘得啱啱好，外層乾身香脆得嚟又唔會燶。一啖咬落去，多士外脆內軟熱辣辣，裡面冰凍嘅牛油再配上適量嘅煉奶，味道口感豐富有層次，真正係又香又甜又好味。
出面食嘅通常都係油淋淋，呢到嘅西多士相對上比較健康唔邪惡，表面嘅油已經喺炸後即時用麵包索乾，以達至西多外表金黃乾身。上枱後記得趁熱推溶牛油，煉奶多少自己隨心加上就可以。
張貼
